Lean ჯანდაცვა მსოფლიოში აღიარებული მეთოდოლოგიაა, რომელიც უკვე წლებია წარმატებით გამოიყენება ევროპისა და ამერიკის წამყვან კლინიკებში. Lean ჯანდაცვა ფოკუსირებულია ჯანდაცვის ობიექტებში სამუშაო პროცესების მუდმივ გაუმჯობესებასა და ოპტიმიზაციაზე - რაც განსაკუთრებით ღირებულს ხდის პაციენტის სამკურნალო გამოცდილებას, აუმჯობესებს, აიაფებს და ამარტივებს ჯანდაცვის ორგანიზაციას ყველა ასპექტში და ფუნდამენტურად ცვლის ჯანდაცვის კომპანიაში დასაქმებულ ადამიანთა დამოკიდებულებას ყოველდღიური პრობლემებისა და გამოწვევების მიმართ. Lean მიდგომა ჯანდაცვაში საშუალებას იძლევა, გააუმჯობესოთ თქვენი დაწესებულების პროდუქტიულობა და მომსახურეობის ხარისხი, მომხმარებლისთვის რისკის შექმნის ან ღირებულების გაზრდის გარეშე. ლინ მეთოდოლოგიას შეუძლია, გაზარდოს ეფექტიანობა კლინიკებში, საავადმყოფოებში, აფთიაქებში, ლაბორატორიებსა და ადმინისტრაციულ განყოფილებებში, შეამციროს პაციენტის მოლოდინის დრო და შექმნას უფრო უსაფრთხო სამკურნალო გარემო. ეხმარება მენეჯმენტსა და თანამშრომლებს, აითვისონ უწყვეტი გაუმჯობესების კულტურა და გახადონ ის მათი ყოველდღიური მუშაობის ნაწილი. უწყვეტი გაუმჯობესების კულტურის დანერგვა კომპანიაში უმნიშვნელოვანესია ნებისმიერი საერთაშორისო სტანდარტის დანერგვის პროცესშიც.